Archive for November, 2010

افتتاح مقر إنتخابي 2010 في محافظة مادبا: الدكتور مصطفى حمارنة

ما تعرفت على هذا الشخص إلا قبل نص ساعة في فيديو حضرته بالصدفة على اليوتوب! الفيلم كان عنوانه “مقتفات من جلسة مصطفى الحمارنه مع النواب” الفيديو مدته 3:01 دقيقة. ومع ذلك، كالحب من أول نظرة، كانت تلك الدقائق القليلة كافية لأن تجعلني أعجب بهذا الشخص! طريقة حديثه، وسرعته، ومحتواه، واستخدام لغة الجسد… “مين هاظ؟” مباشرة صرت بدي أعرف!!!

مش كاتبين عاليوتوب مين هو ها الشخص… دورت بجوجل وما لقيت معلومات “بتشفي الغل”… بس بالإخير لقيت ها المعلومات:

الدكتور مصطفى حمارنة

المدير التنفيذي لشركة المدى للطباعة والصحافة (مجلة السجل). يحمل درجة في الاقتصاد من جامعة كوملبوتس دي مدريد، اسبانيا و شهادة ماجستير في التاريخ من جامعة جورج تاون ( واشنطن دي سي) وشهادة الدكتوراه في التاريخ من جامعة جورج تاون.

كان الدكتور حمارنة سابقا مديرا لمركز الدراسات الاستراتيجية (SCC ) في الجامعة الاردنية، حيث كان مسؤولا عن تحديد اتجاه البحوث في الدراسات الاستراتيجية، واشرف على برنامج المنح الدراسية للجامعيين، وشارك في جمع الاموال على المستويين المحلي والعالمي و وجه و شارك في مشاريع رئيسية عن الدراسات الاستراتيجية. ان مصطفى حمارنه هو عضو في العديد من الهيئات والمجالس بما في ذلك معهد الدراسات الاعلامية (عمان)، مجلس امناء جامعة البتراء، مجلس امناء مركز حل الخلافات في المعهد الدبلوماسي، وهو عضو مؤسس لكل من يوروميسكو و المعهد العربي للدراسات والاتصالات.

المصدر: http://seraty.info/news.php?action=view&id=1124

بعد البحث في اليوتوب، تبين أن الدكتور ترشح للبرلمان الأردني لعام 2010. وجدت فيديو يمثل إفتتاح المقر… شو بدي أحكي…

في جوجل، ما لقيت معلومات “بتشفي الغل” عن الدكتور مصطفى… بس على اليوتوب، لقيت إفتتاح مقر إنتخابي بشفي الغل!!!

أنا هسه حضرت أول فلم… بلشت بالثاني… ناوي أحضر الإفتتاح كامل… بتعرف ليش؟ شو بدي أحكي لأحكي. بس بدي أحكي عن موقف صار معي بعد الإنتخابات.

واحد قرابتي أجى عتبان علي ليش ما صوتت مع س من الناس. “ما إحنا أقرب إلك؟” شو كنت بدي أجاوبه لحظتها؟ بس بالأخير جاوبت ها الإجابة اللي ما فش شخص بتبع مبدأ “قرابتي… صوت معي” بقدر يعترض عليها. حكيتله: “ليش أنا رأيي مهم؟ بقدر أطلع عن رأي فخذي أو عشيرتي؟ ما هموا شو ما بقرروا غصبن عني بدي أرد عليهم… إذا عجهة براضي إثنين أو ثلاثة… على الجهة الثانية… بزعل فخذي أوعشيرتي كاملة!!!” هل بقدر أحكي أنه صوتت مع س من الناس لأنه أفضل الكل؟ في نفس الوقت، بقدر “ما أصوت” مع أقرب واحد إلي وأصوت مع قرابة أبعد؟ أو بجوز واحد لا بعرفني ولا بعرفه؟ كيف بدك تراضي الكل؟ وإلا ما بتقدر؟

يكفيني أن اقتبس التالي من كلام الدكتور مصطفى من المقطع أعلاه:

“هذا المجتمع أفرغوه من السياسة… رجعنا عشائر… العشيرة أرحام… العشيرة ليست إطارا سياسيا! إذا تصرفت العشيرة كإطار سياسي… تحولت إلى مليشيا!!!”

وفي مكان آخر: “عليكم أن تبحثوا عن من يمثل مصالحكوا!!!… الصوت ليس أمانة… الصوت مصلحة

لمشاهدة بافي أفلام افتتاح المقر: http://www.youtube.com/user/sarahqaraeen#start=0:00;end=11:08;autoreplay=false;showoptions=false

د. مصطفى… شكرا!

الفائز عن قرية السماكية في مجلس النواب الأردني السادس عشر: الدكتور طلال سابا العكشة

الفائز عن قرية السماكية في مجلس النواب الأردني السادس عشر: الدكتور طلال سابا العكشة

صراحة… لم أتوقع فوز الدكتور طلال العكشة… ولا حتى أي شخص من العكشة إجمالا… فالإنتخابات النيابية والبلدية السابقة التي حضرتها وجدت أنها أوجدت ورسخت خلافات وانشقافات بين أبناء السماكية كافة. سواء بين عشيرتي الحجازين والعكشة، وحتى بين الحجازين أنفسهم وبين العكشة أنفسهم.

في الدورة النيابية السابقة التي أفرزت النائب مشيل حجازين، أجاب أحد الصلاعين عندما سئل عن عدم إلتزامه بما كان “لخرسان” ينادون به عن وجود “دور” في عشيرة الحجازين وأن الدور في تلك الدورة هو “للخرسان”: “واحد أجاه سدر منسف، بوكلوه هو وأولاده وإلا بعطيه للجيران يوكلوه؟”. إذن، كنت أرى أن الكل يريد النيابة لنفسه، حتى أبناء العشيرة الواحدة سينقسموا ويرغبوا بالإحتفاظ “بسدر المنسف” لأنفسهم.

مع التقدم نحو موعد الإنتخابات، طرح موضوع “الدور” مرة أخرى. ولكن هذه المرة، سدر المنسف ليس للحجازين وحدهم “عشان يوكلوه”، بس كمان، “جيرانهم العكشة بدهم يوكلوا كمان”. وحسب ما فهمت، كان اللإتفاق هو أن يعطى “سدرين منسف” للحجازين, وسدر منسف واحد للعكشة. يعني، دورتين نيابيتين يكون الفائز فيهما من عشيرة الحجازين، الدورة الثالثة من نصيب شخص من عشيرة العكشة. بناء على النسبة العددية لأبناء العشيرتين، هل قسمة “المناسف”هذه عادلة؟ عدديا، نسبة الحجازين إلى العكشة هي كنسبة 2:1. وإلا لا؟

مع إنتهاء فترة الترشيح للإنتخابات النيابية، كان عدد المترشحين من قرية السماكية لا يدل على أية “اتقاقات” سواء بين الحجازين أنفسهم أو بين الحجازين والعكشة. وكان يكفيك أن تقرأ الخبر الذي صدر في موقع وكالة عمون الإخبارية لتضحك على كل من يتحدث عن تحالفات أوإتفاقات:

10 مرشحين من عشيرة واحدة يتنافسون على مقعد واحد في الكرك

2010-10-16

عمون – محمد الخوالدة
——————
يتنافس 10 مرشحين من عشيرة واحدة على الفوز في المقعد النيابي المخصص للعشائر المسيحية في لواءالقصر بمحافظةالكرك وذلك في بلدة السماكية التي تفرز في العادة النائب المسيحي في اللواء , علما بوجود عشائر مسيحية اخرى في البلدة لم تفرز الا مرشحا واحدا لديه قاعدة انتخابية يمكن الركون اليها .

رابط الخبر: http://www.ammonnews.net/article.aspx?articleNO=71576

ومع اقتراب موعد الإنتخابات يوما بعد يوم، بدأت الصورة تتغير. أعلن إنتهاء فترة سحب الترشيحات وكانت المفاجئة، لم يبقى من كل المرشحين سوى مرشحين اثنان. نعم، فقط اثنان: الدكتور رائد حجازين والدكتور طلال العكشة. لاحت فرصة جديدة للإتفاق، هل سيكون هناك أمل لأن يصل الجميع إلى إتفاق مرضي للعشرتيين حتى يأكل الجميع “المنسف”؟

بخلاف الدورات النيابية الثلاثة السابقة، فالدكتور رائد لم يحظ هذه المرة بدعم من كبير عشيرة الصلاعين والحجازين إجمالا، الأستاذ شاهر حجازين. لا أدري ما هو سبب هذا التغيير، ولكن بالتأكيد كان له دور كبير في التأثير على مجريات الإنتخابات. ويكفيك أن تعرف أن أول كلمة في حفل إفتتاح الدكتور طلال كانت للإستاذ أبو بشار. عرف عريف الحفل، الأستاذ زعل حجازين، عن الأستاذ شاهر، بأنه “شيخ مشايخ عشيرتي الحجازين والعكشلة”.

الصورة – الإستاذ شاهر حجازين يلقي أول كلمة خلال إفتتاح مقر الدكتور طلال العكشة

الصورة – الدكتور طلال يلقي كلمته خلال حفل افتتاح مقره الإنتخابي في قرية السماكية يوم الجمعة، 29.10.2010

جاءت كلمة الدكتور خلال حفل الإفتتاح. وكانت تلك هي المرة الأولى في حياتي التي أرى وأسمع فيها دكتور جذوره من السماكية ويدعى الدكتور طلال سابا العكشة. بالنسبة لوالد الدكتور طلال، فمن في السماكية وحتى الكرك إجمالا لا يعرف سابا العكشة؟ لطالما سمعت عنه في السماكية، ولكن خلال الإنتخابات النيابية، سمعت أول مرة عن ابن له اسمه “طلال”.

على أية حال، بدأ الدكتور طلال كلمته. وأول ما شد انتباهي وأعجبني كل الإعجاب هو أن الدكتور طلال، على عكس كل المتحدثين في افتتاح هذا المقر، أو في افتتاح مقرات سابقة حضرتها، لم يقرأ ما قاله فهو لم يقرأ من كلمة كتبها. أن تحضر كلمة وتقرأها أمر جيد، ولكن هل من يقرأ كلمة مثل من يلقي كلمة دون قرائتها من ورقة؟

قال الدكتور ما قاله من عبارات الشكر والترحيب… ووصل إلى فقرة البيان الإنتخابي. وهو في رأيي، أهم جزء في كل هذه الإنتخابات. الجزء الذي ينساه الناس ليتحدثوا عن تقسيم “المناسف” دون أي إعتبار لحاجات ومطالب الناس في السماكية.

إذا نظرت للموضوع بجدية بعيدا عن العشائرية الضيقة، فهل عدم إلتزام باصات السماكية بخدمة أهالي البلدة يفرق بين حجازين وعكشة؟ ماذا عن انقطاع المياه في فصل الصيف وتكسير المواسير المؤدية للقرية؟ هل تتكسر فقط المواسير التي تجلب المياه فقط إلى بيوت الحجازين؟ ماذا عن باص السماكية-الجامعة الذي طال الحديث عنه لسنوات وسنوات؟ ماذا عن قصص “الخيال الأدبي أو العلمي أو سمه ما شئت” عن وجود مكتبة عامة أو حديقة أو كما تحدث أكثر الناس تفاؤلا “نادي رياضي”! إذا كانت المسائل السابقة هي خيال، فماذا أصف مطالبة إحداهن بوجود مصنع للألبان؟ أو حتى أكثر تطرفا، مصنع “للمعكرونة”!

السماكية وحمود في الكرك بلا مواصلات ..

2010-07-14

عمون – محمد الخوالدة – لاتلتزم “الباصات” المرخصة لخط الكرك السماكيه حمود وعددها 4 باصات بخط سيرها وتكتفي بالوصول إلى بلدة القصر البعيدة عنهما زهاء 10 كيلو مترات وعلى الركاب بعدها تدبر امرهم…

المصدر: موقع عمون، http://www.ammonnews.net/article.aspx?articleNo=64985

شكوى من عدم التزام باصات حمود والسماكية بخط سيرها

الكرك – نسرين الضمور – يشتكي مواطنون في بلدتي السماكية وحمود في لواء القصر من ان الباصات المرخصة للعمل على خط الكرك – السماكية – حمود وعددها 4 باصات لاتلتزم بخط سيرها وتكتفي بالوصول الى بلدة القصر التي تبعد عن حمود والسماكية زهاء 10 كيلومترات…

المصدر: جريدة الرأي، http://www.alrai.com/pages.php?news_id=347118

شكوى من عدم التزام الباصات بخطوط سيرها في السماكية

القصر – خليل زيادين- شكا مواطنون في بلدة السماكية من عدم التزام الباصات العاملة من والى البلدة بتوصيل الركاب الى آخر الخط المقرر لهم حسب القانون.
وقال موظفون وطلبة جامعيون في البلدة التي يقارب عدد السكان فيها ال3000 نسمة انهم مضطرون الى استخدام المواصلات العامة لعدم قدرتهم على امتلاك سيارات خاصة…

المصدر: جريدة الرأي،http://www.alrai.com/pages.php?news_id=359071

كنت أضحك على زملائي في الجامعة عندما كانوا يتجادلون لحد المسبات على بعض… كنت أقول لنفسي: “ما انتوا لما تتأخروا بالجامعة، الإثنين رايحين تنرموا عالشارع زي…” ناهيك عما يقال خلف “الكواليس” من عبارات مثل: “هذول مش زلام…” ، “أخلي فلان وفلان يكبروا على”، أو، “بكره عشان فلان يغني ويقول خاوة…” أو، “هذول ما بحبوها غير لحالهم”… إلخ.

عودة إلى الكلمة، لا يوجد هناك أي غبار على ما قاله الدكتور طلال. تحدث في عدة عنواين رئيسية. منها:

  1. التعليم العالي وسبل تطويره
  2. الأمن المائي والغدائي
  3. حماية الآثار
  4. التنمية الإقتصادية
  5. قانون الإنتخاب الحالي وضرورة استبداله
  • هذا ما أذكره… المشكلة كانت في أن كلمة الدكتور لم تكن فقط آخر كلمة من كل الكلمات، ولكن أيضا، إلقاءها تزامن مع حصولى على صحن من الكنافة الساخنة… فكما ”أن الخمر يذهب العقل”، فالكنافة كذلك بالنسبة لي…

على أية حال، انتهت كلمة الدكتور طلال… كان لي عليها بعض الملاحظات التي تتعلق بما كتبته أعلاه. بعدها بأيام، في أثناء زيارة لإثنين من أبناء أخوة الدكتور طلال لمنزلنا مع عدد من الأشخاص من الحجازين والعكشة، بحت لهم بما “يؤلمني” عما قيل ويقال في الإنتخابات وعدم التطرق إطلاقا إلى مطالب وحاجات أهل السماكية من “جميع المرشحين على السواء”. “نحن ضد نائب الخدمات ومع نواب الوطن… ولكن ماذا عن الباص اللي برميني بالشارع وما بوصلني للسماكية؟” ختمت حديثي بهذه الجملة. قاموا مشكورين بدعوتي إلى المقر والحديث مع الدكتور. وتجنبا لسوء الفهم، أكدت لهم معرفتي بأن مطالب الناس لا يتم ذكرها في الإجتماعات أمام المرشحين.

لم أذهب إلى المقر. ولا أدري إذا وصلت هذه المشاكل إلى النائب أم لا… شو رأيك؟ بتتوقع ناس فضي يحكي عن هيك مواضيع؟

بعد ظهور النتائج وفوز الدكتور طلال. فلا يسعني إلا أن أتقدم بأجمل التبريكات للدكتور طلال: ألف مبروك. ولكن أيضا، لأهل السماكية جميعا لأنهم استطاعوا، أخيرا، ان يتفقوا مع بعض على كلمة واحدة بغض النظر أن الفائز حجازين أو عكشة. أنا كحجازين، لا يوجد لي نائب يحمل اسم عشيرتي في البرلمان، ولكن نجاحي هو في توقعي أنه لن يكون هناك “تناحرات” و”مسبات” في السماكية بناء على العشيرة من الآن وصاعدا… محبة الناس لبعضها وإتفاقها هو أكبر نجاح. وإلا لا؟

الآن، ومن هذا المنبر، أضع المشاكل التي ذكرت أعلاه أمام نائب السماكية الجديد. النائب الذي أتوقع منه الكثير لما سمعته عنه من “تدين” و”تواضع” و “حب للعلم”. ناهيك عن تاريخ أسرته المشرف الذي لا يحتاج مني إلى أي تعليق.

هل ستنتهي مشاكل باصات السماكية؟ هل سيكون لطلاب الجامعة باص دائم ينقلهم؟ هل… وهل… وهل… لا نتوقع المستحيل، ولكن الممكن…

ماذا سيختلف في السماكية بعد أربع سنوات من الآن؟ هل سيكون هناك اختلاف؟ وما هي الإنجازيات التي سيحققها الدكتور طلال؟ أتوقع الكثير! أتمنى أن لا أجد صعوبة في إيجاد انجازات لأكتبها في مدونتي اربع سنوات من الآن… شو بتتوفع؟ خلينا نستنا!

مصدر صور إفتتاح المقر الإنتخابي: الفيسبوك، مجموعة مرشح العكشة بالاجماع. طلال العكشة، http://ar-ar.facebook.com/pages/mrshh-alksht-balajma-tlal-alksht-/158220207546165?ref=share

Satellite images showing the close distance from my village –Smakieh- to Fort Bashir in Google Maps

image

The green circle shows Fort Bashir (Qaser Bashir). I took the image after putting the camera inot a binocular that I have. Read how I took this pohto. Click here!

I used google maps to navigate from my village to Fort Bashir. See how far is Smakieh from Fort Bashir!

 

 

Smakieh to fort bashir 1

 Smakieh to fort bashir 2 Smakieh to fort bashir 3 Smakieh to fort bashir 4 Smakieh to fort bashir 5 Smakieh to fort bashir 6 Smakieh to fort bashir 7

<

p>Smakieh to fort bashir 8

Satellite images showing the close distance from my village –Smakieh- to Fort Bashir in Google Maps

image

The green circle shows Fort Bashir (Qaser Bashir). I took the image after putting the camera inot a binocular that I have. Read how I took this pohto. Click here!

I used google maps to navigate from my village to Fort Bashir. See how far is Smakieh from Fort Bashir!

 

 

Smakieh to fort bashir 1

 Smakieh to fort bashir 2 Smakieh to fort bashir 3 Smakieh to fort bashir 4 Smakieh to fort bashir 5 Smakieh to fort bashir 6 Smakieh to fort bashir 7

Smakieh to fort bashir 8

نهفات طبية من الأردن – مواقف طريفة حصلت مع عاملين في القطاع الصحي الأردني

هذه هي قصص حقيقية طريفة حدثت لأشخاص يعملون في القطاع الصحي (ممرضين، أطباء، صيادلة، أطباء أسنان) وقاموا بكتابتها في منتديات أبو محجوب الأردنية في مشاركة بعنوان: “نهفات طبية”.  المشاركة تحتوي على عدد كبير جدا من القصص. هذه بعض القصص التي أعجبتني من المشاركة.
رابط المشاركة: http://www.mahjoob.com/ar/forums/showthread.php?t=279232

  • مرة واحنا بنتدرب بمستشفى بسمة والله اجى شب من دفعتي والي دفعة 2002 تمريض تكنو يمكن بيعرف قصة الشب لانه اتبهدلت صحته من العميد طبعا مش مدحا بنفسي لكن انا كنت ماخذ عطاء الكانيولات باي قسم بتدرب فيه والي بده كانيولا اركبله والي ما بده اركبله والزائر اركبه والي خاطر ادفع فلوس لشباب الدفعة من شان اتدرب عليهم الله وكيلكم بلشت بالكل اذا ماكنت اركب كل يوم 5 كانيولات بالراحة ما اعرف انام
    اجى هالشب والا بيحكيلي هو فش حدى بيركب كانيولا الا انت لا تضلك تعرط قدام المس والدكاترة طبعا انا انقهرت وقلت اله يا عمي ما حدى مانعك روح ركب ويلعن ابو الزعلان
    دخل هالمريض وبدهم يعملوله سحبات دم ودخول ويبلش فيه طبعا هو بده يعرط وما بده يركب كانيولا بظهر كف الزلمة قال بده ينقي وريد صغير على شان يورجي انه شاطر:clapper:
    راح سلخ المريض الابرة وين ببطن ايده يعني مكان ما بنحس بالنبض من جهة الايد وليش ما الكانيولا داخلة بالشريان مش بالوريد والزلمة كاين يصيح ويحكيله يا عمي انا دايما بدخل واول مرة بشوف واحد بيركب هون وبالعمق هذا هي دخلت الكانيولا من هون وفك الغطا تبعها من هون وعينكم ما تشوف النور:oooops::oooops:
    والدم يصير زي الرشاش تبع الحدائق:oooops::oooops: الدم يرشق متر ونص واكثر والشب يضل هارب:oooops::oooops:
    المشكلة الزلمة ما ضل جوى الغرفة ونادى ممرضة الزلمة طلع برى الغرفة وبوجه على كاونتر التمريض والدم شغال عفق بالكردور وعبى القسم:oooops::oooops: والابلى من هيك انه الزلمة موجه ايده باتجاه كل واحد بيقرب عليه والكل بيهرب منه :bndora: لغاية ما بسرعة ممرضه حكتله خلي ايدك باتجاه الارض وشالة الابرة :oooops::oooops:
    طبعا الزلمة بس هدي الوضع واتطلع وراه لقي انه شاطف القسم بدمه والشب واقف باخر الكردور
    والا بيحكي نادولي اياه ابن *#*%@&*&*:ang: والله لاشرب من دمه مكان الدم الي ضاع مني
    وهذاك يوم يوهذا يوم اذا الشب شفته قرب على مريض لانه تبهدل من الكل:oooops::oooops::oooops:

    • حياة الممرضين عن جد بتحسها من اتعس حياة الناس الي بيشتغلوا بالمجال الصحي وبيحكيلك راتبنا عالي وما بيستاهلوا يا عمي مهو مريض واحد بيطلع ال 500 ليرة الي بتوخذهم بشهر على راسك عامص بيوم
      والله مرة مريض ليبي الله يسامحه على كل حال دخل عنا وعن جد هذاك داخل يذل الناس بمعنى الكلمة وكونه مستشفى خاص ما بتسترجي تحكي معه وحتى لو بمستشفى حكومي بتحكي مريض والله يعينه على حاله وبدك تلعب مع المريض هيك والا هيك بيجي يوم وبيقع كله على راسك اما فيك او بواحد من اهلك
      هذاك المريض لما كان بده يبول اجلكم الله كان يقوم ويمشي على الحمام ولما بده يخرج قرفه يعملها على التخت واحنا الشباب نيجي ننضفه طبعا والحمد لله انا ما عندي حزازة من هاي الشغلة وبفتخر بشغلي لانه لو ما عملنا هيك العالم ماتت من قرفها مش من المرض
      الشباب قرفت حالها وشب اسمه رامي كان مستلمه بيحكيلي والله اذا بيعملها كمان مرة وما بيقوم على الحمام لاداويه لانه صار عاملها 3 مرات باقل من 5 ساعات ومبسوط الاخ على حاله مع انه بكل قواه الجسدية وكل الي كان عنده عدم انتظام بدقات القلب وما بيخوف لانه من تأثير ادوية ماخذها
      والله قعد عنا يومين ومن كثر ما نضفوله الشباب صار عنده زي قشط بالجلد من ورى ومصر انه ما ينزل على الحمام لما يخرج وبينزل على الحمام لما يبول والي بيجلط اكثر انه بينزل يقعد على الكرسي بالغرفة قال تعبان من النومة
      والله واجى حبك على الطاحون
      والله والشباب تسمع انه وسخ على حاله وتعمل خلطة بتذوب الحديد مش اللحم:oooops:
      كحول على يود على هيكسانيوس معقم اداوت جراحية على ستيرانيوس معقم مواد طبية على DDSH ملمع ومعقم الطاولات والبلاط على مانيو جل على غسول الفم AQWAFRESH ما خلو اشي وما حطوه واول ما حطوا الخلطة عليه من هون الزلمة طار عن التخت وما بيحكي الا كلمة وحدة يالله يا الللللللللللللللللللللله يا الله يا الله وباعلى صوته:oooops::oooops::oooops: وبيحكي شو البي حطيتوه علي حكوله هاي مادة جديدة لتنظيف الاماكن الحساسة على شان ما تصير التهابات ومجبورين نستخدما من اليوم وطالع بدل المي:oooops::oooops: ويخف عقله
      ومن يومها كان ضايله يومين وبيطلع ما شفناه نادنا وكل روحته الحمام اما انو ظهره عن جد انه الخلطة جابت مفعول:oooops: ظهره سلخ جلده قلت كمان شوي ببين العمود الفقري والكلاوي:oooops::oooops:

    • والله هاي طبعا اول ما اشتغلت بالعناية المركزة بال 2007 طبعا ما في حدى متعلم من بطن امه وكانوا شارحين النا انه ون بالعناية المركزة في مرضى احتمال يتوقف قلبها فجأة ولازم نبلش بعملية الانعاش القلبي فورا انا مستلم هالمريض حج كبير الله يطول بعمره وكانت مشكلته التهاب رئوي حاد والمريض نايم وما شاء الله ما بعرف رجعت على الرميض بعد ما رحت اجيب ادويته والا الشاشة النبض عليها 0 والتخطيط عامل زي هيك —————————— يعني متوقف القلب انا ويلي شو اعمل شو اسوي وبدي اعيط لانه انا جديد والله دبيت الصوت CODE BLUE CODE BLUE والشباب السينيرات هجمت
      المشكلة انه اسلاك الشاشة مشبوكة عليه وكله تمام ولكن الزملة ما في نفس وحس النبض في نبض لكن ضعيف جدا , ليش مهو الزلمة نايم والسلك تبع التخطيط فاصل من جهة الشاشة مو من جهة المريض
      ويحطوا الامبو باج الي بنعطي فيها نفس للمريض والمشكلة ضل نايم واحنا بنفكره ميت وتبلش الشباب ضغظ على مكان القلب والمشكلة انه الزملة صحي ومن عجقة الشباب ولانه عليه قناع التنفس ما حدى انتبه اله وانا نازل ضغط على صدره لحد ما صار يرفش الشباب بايده ورجليه وبيحكي مالكم مالكم:ang::ang:
      الواحد ما بيعرف ينام:ang:
      طبعا انا ضليت مخزي من شباب القسم ومن الزلمة نفسه مع انه ضل يتوجع من صدره وانا الذنب كله ذنبي لانه ما شيكت على الاسلاك صح

  • مريض بكتبلو عالدوا 4 مرات يوميا قبل الاكل
    طبعا مشان الدقة بقولو يعني كل 6 ساعات (ويا ريتني ما قلتها) :u:
    قالي يعني مرتين باليوم
    انا : 4 مرات ,, قسم ال 24 ساعة عال 4 مران بطلع كل 6 ساعات :computer:
    هو : مهو بالليل بكون نايم مشان هيك ما بنحسب
    انا : يا ابني بلش فيه هلا وكل 6 ساعات حبة وانسى موضوع العدد
    قالي يعني مرتين بس
    هلا انا تعقدت منو وصرت بدي حد ينقذني من هالهبل
    بقول للشب اللي معو تعال فهمو
    بقولي يا زلمة حكيو صحيح ,, كيف بدو ياخدها وهو نايم
    قلتلو يصحى وياخد الحبة ويرجع ينام
    وهات اقنع فيهم انو اليوم 24 ساعة :frustrate:frustrate:frustrate
    بالنهاية قلتلو حبيبي اشرب الدوا متل ما بتحب وانسى موضوع الاربع مرات

  • هاد مرة وانا قاعدة بأمان الله بهالصيدلية ..دخلت حجية عنيها بقدحوا شرار ومش ناوية على خير
    انتوا ما بتفهموا بالدوا روحوا اشتغلوا خضارجية ..وانا ليش يا حجة قولي وغيري ..؟؟
    قال الدوا دفعت علي دم قلبي بس على الفاضي مرضني اكثر ما يفيدني ..
    بحكيلها ليش انتي شو عندك اصلا …قالتلي الي كان هون (قصدها عن الشب بالشفت التاني ) قالي عندي فطريات جلدية …
    رحت سألتها طيب شو اعطاكي …ناولتني العلبة الى هوي micover cream
    بحكيلها طيب مالوا الدوا منيح وشغلوا تمام …
    الى هي شو بتحكيلي ..بلا تمام بلا هم انتوا النصابين ..صارلي اسبوع بجبر حالي علي وعلى طعموا المر …وعلى الفاضي
    ساعتها انــــــا صرت اولول …نعم ؟؟..عيدي ..اتحملتي شو ………الى هي طالعة بتمص الكريم مص مش تدهنوا على الألتهاب
    بعديها اخذت اجازة اسبوع من الصيدلية ,,,لحتى يرجعلي عقلي ..انجنيت من تحت راسها

    • السلام عليكم
      هاي نهفه حصلت مع زميله الي
      المسكينه كانت ما تولد الا بعمليه ومره الدكتور دخلها وقلها خلينا نصبر بلكي تولدي طبيعي
      ظلت تطلق بدون نتيجه واخيرا قرروا يعملولها عمليه
      اجا عندها طبيب التخدير بدوا يفحصها وهو لسه بجنبها اجتها طلقه قويه راحت شدت ببنطلونه طبعا بتعرفوا بنطلونه هذا اللي بكون خصره مطاط ويروح بنطلونه نازل
      يا ويلي ما اسوأ الموقف راح هرب من الغرفه بسرعه وهي بتقول انخزيت على هالعمله

    • بدي أحكيلكوا هالنهفة صارت مع صاحب الي
      فيه شب صاحب الي راح يعمل عملية بالمستشفى و مكان العملية هو في أعلى الفخذ
      المهم الشب شالوا عنه كل اواعيه و لبسوه مريول بيستره من قدام بس ,,, أما الواجهة الخلفية من فوق لتحت ما فيه شي يستره
      ما علينا
      الشب حطوه على التخت و مشوا فيه على غرفة العمليات ,,, و قبل غرفة العمليات فيه غرفة بيكونوا على السرير لحتى يدخلوه بعد شوي على غرفة العمليات ,,,
      الشب صاحبي زهق من القعدة على التخت و حكى خليني اطلع على أهلي شوي قبل ما يجي دوري
      المهم الشب طلع و مشى بالممر اللي عند غرف العمليات و البنات و النسوان يغطوا على وجوههم و الشباب فارطه من الضحك و هو مش فاهم شي
      الا لما فيه زلمة كبير بيحكيله يا شب استر حالك ,,, انته مش شايف حالك كشف من وراء
      الشب تذكر انه بس من قدام جسمه مغطى و من وراء و لا فيه شي
      ركض على الغرفة لحتى يرجع ينام على السرير بانتظار العملية
      بس الناس اللي هناك تمزعوا من الضحك من المنظر

 

  • انا كوني بشتغل بقطاع التمريض وبقسم العناية المركزة فحدث ولا حرج عن المواقف الي بتصير فينا وفي المرضة وفينا الاثنين
    مرة دخل عنا على العناية المركزة مريض هو طبيب نسائية بالاصل وداخل يعمل شبكة وعملوا اله هالشبكة وكل اموره تمام
    بالليل الزلمة تغيرت حالته ونظر الي نظرة تقول اني قاتل ابوه وينط عن التخت ويشيل كل الكيبلات الي عليه وليش ما يطلع الاخ icu psychosis هاي حالة بتصيب المرضى لما يحس حاله محاط بغرفة والاجهزة حوالية فبتشرت الامور كلها معه , وانا شفته زي هيك و اضل هارب ويسحب ال IV STAND الي بنعلق عليه السوائل الوريدية وبده يعمله زي الرمح وبده يطعنا فيه والشباب وانا مسكنا وما قدرنا نثبته قام طلع ايده من باب الغرفة وهون كانت الفرصة
    سكرنا الباب على ايده, وركبله شب اسمه حسن كانيولا لايده وهي برى الغرفة واحنا مسكرين الباب عليها وهو جوى الغرفة وانا شقحته Mg2 Dormicum وهو يضل مكوعها نومة من هون
    صحي الصبح لقي حاله مربط صار يعيط:oooops:

نهفات طبية من الأردن – مواقف طريفة حصلت مع عاملين في القطاع الصحي الأردني

هذه هي قصص حقيقية طريفة حدثت لأشخاص يعملون في القطاع الصحي (ممرضين، أطباء، صيادلة، أطباء أسنان) وقاموا بكتابتها في منتديات أبو محجوب الأردنية في مشاركة بعنوان: “نهفات طبية”.  المشاركة تحتوي على عدد كبير جدا من القصص. هذه بعض القصص التي أعجبتني من المشاركة.
رابط المشاركة: http://www.mahjoob.com/ar/forums/showthread.php?t=279232

  • مرة واحنا بنتدرب بمستشفى بسمة والله اجى شب من دفعتي والي دفعة 2002 تمريض تكنو يمكن بيعرف قصة الشب لانه اتبهدلت صحته من العميد طبعا مش مدحا بنفسي لكن انا كنت ماخذ عطاء الكانيولات باي قسم بتدرب فيه والي بده كانيولا اركبله والي ما بده اركبله والزائر اركبه والي خاطر ادفع فلوس لشباب الدفعة من شان اتدرب عليهم الله وكيلكم بلشت بالكل اذا ماكنت اركب كل يوم 5 كانيولات بالراحة ما اعرف انام
    اجى هالشب والا بيحكيلي هو فش حدى بيركب كانيولا الا انت لا تضلك تعرط قدام المس والدكاترة طبعا انا انقهرت وقلت اله يا عمي ما حدى مانعك روح ركب ويلعن ابو الزعلان
    دخل هالمريض وبدهم يعملوله سحبات دم ودخول ويبلش فيه طبعا هو بده يعرط وما بده يركب كانيولا بظهر كف الزلمة قال بده ينقي وريد صغير على شان يورجي انه شاطر:clapper:
    راح سلخ المريض الابرة وين ببطن ايده يعني مكان ما بنحس بالنبض من جهة الايد وليش ما الكانيولا داخلة بالشريان مش بالوريد والزلمة كاين يصيح ويحكيله يا عمي انا دايما بدخل واول مرة بشوف واحد بيركب هون وبالعمق هذا هي دخلت الكانيولا من هون وفك الغطا تبعها من هون وعينكم ما تشوف النور:oooops::oooops:
    والدم يصير زي الرشاش تبع الحدائق:oooops::oooops: الدم يرشق متر ونص واكثر والشب يضل هارب:oooops::oooops:
    المشكلة الزلمة ما ضل جوى الغرفة ونادى ممرضة الزلمة طلع برى الغرفة وبوجه على كاونتر التمريض والدم شغال عفق بالكردور وعبى القسم:oooops::oooops: والابلى من هيك انه الزلمة موجه ايده باتجاه كل واحد بيقرب عليه والكل بيهرب منه :bndora: لغاية ما بسرعة ممرضه حكتله خلي ايدك باتجاه الارض وشالة الابرة :oooops::oooops:
    طبعا الزلمة بس هدي الوضع واتطلع وراه لقي انه شاطف القسم بدمه والشب واقف باخر الكردور
    والا بيحكي نادولي اياه ابن *#*%@&*&*:ang: والله لاشرب من دمه مكان الدم الي ضاع مني
    وهذاك يوم يوهذا يوم اذا الشب شفته قرب على مريض لانه تبهدل من الكل:oooops::oooops::oooops:

    • حياة الممرضين عن جد بتحسها من اتعس حياة الناس الي بيشتغلوا بالمجال الصحي وبيحكيلك راتبنا عالي وما بيستاهلوا يا عمي مهو مريض واحد بيطلع ال 500 ليرة الي بتوخذهم بشهر على راسك عامص بيوم
      والله مرة مريض ليبي الله يسامحه على كل حال دخل عنا وعن جد هذاك داخل يذل الناس بمعنى الكلمة وكونه مستشفى خاص ما بتسترجي تحكي معه وحتى لو بمستشفى حكومي بتحكي مريض والله يعينه على حاله وبدك تلعب مع المريض هيك والا هيك بيجي يوم وبيقع كله على راسك اما فيك او بواحد من اهلك
      هذاك المريض لما كان بده يبول اجلكم الله كان يقوم ويمشي على الحمام ولما بده يخرج قرفه يعملها على التخت واحنا الشباب نيجي ننضفه طبعا والحمد لله انا ما عندي حزازة من هاي الشغلة وبفتخر بشغلي لانه لو ما عملنا هيك العالم ماتت من قرفها مش من المرض
      الشباب قرفت حالها وشب اسمه رامي كان مستلمه بيحكيلي والله اذا بيعملها كمان مرة وما بيقوم على الحمام لاداويه لانه صار عاملها 3 مرات باقل من 5 ساعات ومبسوط الاخ على حاله مع انه بكل قواه الجسدية وكل الي كان عنده عدم انتظام بدقات القلب وما بيخوف لانه من تأثير ادوية ماخذها
      والله قعد عنا يومين ومن كثر ما نضفوله الشباب صار عنده زي قشط بالجلد من ورى ومصر انه ما ينزل على الحمام لما يخرج وبينزل على الحمام لما يبول والي بيجلط اكثر انه بينزل يقعد على الكرسي بالغرفة قال تعبان من النومة
      والله واجى حبك على الطاحون
      والله والشباب تسمع انه وسخ على حاله وتعمل خلطة بتذوب الحديد مش اللحم:oooops:
      كحول على يود على هيكسانيوس معقم اداوت جراحية على ستيرانيوس معقم مواد طبية على DDSH ملمع ومعقم الطاولات والبلاط على مانيو جل على غسول الفم AQWAFRESH ما خلو اشي وما حطوه واول ما حطوا الخلطة عليه من هون الزلمة طار عن التخت وما بيحكي الا كلمة وحدة يالله يا الللللللللللللللللللللله يا الله يا الله وباعلى صوته:oooops::oooops::oooops: وبيحكي شو البي حطيتوه علي حكوله هاي مادة جديدة لتنظيف الاماكن الحساسة على شان ما تصير التهابات ومجبورين نستخدما من اليوم وطالع بدل المي:oooops::oooops: ويخف عقله
      ومن يومها كان ضايله يومين وبيطلع ما شفناه نادنا وكل روحته الحمام اما انو ظهره عن جد انه الخلطة جابت مفعول:oooops: ظهره سلخ جلده قلت كمان شوي ببين العمود الفقري والكلاوي:oooops::oooops:

    • والله هاي طبعا اول ما اشتغلت بالعناية المركزة بال 2007 طبعا ما في حدى متعلم من بطن امه وكانوا شارحين النا انه ون بالعناية المركزة في مرضى احتمال يتوقف قلبها فجأة ولازم نبلش بعملية الانعاش القلبي فورا انا مستلم هالمريض حج كبير الله يطول بعمره وكانت مشكلته التهاب رئوي حاد والمريض نايم وما شاء الله ما بعرف رجعت على الرميض بعد ما رحت اجيب ادويته والا الشاشة النبض عليها 0 والتخطيط عامل زي هيك —————————— يعني متوقف القلب انا ويلي شو اعمل شو اسوي وبدي اعيط لانه انا جديد والله دبيت الصوت CODE BLUE CODE BLUE والشباب السينيرات هجمت
      المشكلة انه اسلاك الشاشة مشبوكة عليه وكله تمام ولكن الزملة ما في نفس وحس النبض في نبض لكن ضعيف جدا , ليش مهو الزلمة نايم والسلك تبع التخطيط فاصل من جهة الشاشة مو من جهة المريض
      ويحطوا الامبو باج الي بنعطي فيها نفس للمريض والمشكلة ضل نايم واحنا بنفكره ميت وتبلش الشباب ضغظ على مكان القلب والمشكلة انه الزملة صحي ومن عجقة الشباب ولانه عليه قناع التنفس ما حدى انتبه اله وانا نازل ضغط على صدره لحد ما صار يرفش الشباب بايده ورجليه وبيحكي مالكم مالكم:ang::ang:
      الواحد ما بيعرف ينام:ang:
      طبعا انا ضليت مخزي من شباب القسم ومن الزلمة نفسه مع انه ضل يتوجع من صدره وانا الذنب كله ذنبي لانه ما شيكت على الاسلاك صح

  • مريض بكتبلو عالدوا 4 مرات يوميا قبل الاكل
    طبعا مشان الدقة بقولو يعني كل 6 ساعات (ويا ريتني ما قلتها) :u:
    قالي يعني مرتين باليوم
    انا : 4 مرات ,, قسم ال 24 ساعة عال 4 مران بطلع كل 6 ساعات :computer:
    هو : مهو بالليل بكون نايم مشان هيك ما بنحسب
    انا : يا ابني بلش فيه هلا وكل 6 ساعات حبة وانسى موضوع العدد
    قالي يعني مرتين بس
    هلا انا تعقدت منو وصرت بدي حد ينقذني من هالهبل
    بقول للشب اللي معو تعال فهمو
    بقولي يا زلمة حكيو صحيح ,, كيف بدو ياخدها وهو نايم
    قلتلو يصحى وياخد الحبة ويرجع ينام
    وهات اقنع فيهم انو اليوم 24 ساعة :frustrate:frustrate:frustrate
    بالنهاية قلتلو حبيبي اشرب الدوا متل ما بتحب وانسى موضوع الاربع مرات

  • هاد مرة وانا قاعدة بأمان الله بهالصيدلية ..دخلت حجية عنيها بقدحوا شرار ومش ناوية على خير
    انتوا ما بتفهموا بالدوا روحوا اشتغلوا خضارجية ..وانا ليش يا حجة قولي وغيري ..؟؟
    قال الدوا دفعت علي دم قلبي بس على الفاضي مرضني اكثر ما يفيدني ..
    بحكيلها ليش انتي شو عندك اصلا …قالتلي الي كان هون (قصدها عن الشب بالشفت التاني ) قالي عندي فطريات جلدية …
    رحت سألتها طيب شو اعطاكي …ناولتني العلبة الى هوي micover cream
    بحكيلها طيب مالوا الدوا منيح وشغلوا تمام …
    الى هي شو بتحكيلي ..بلا تمام بلا هم انتوا النصابين ..صارلي اسبوع بجبر حالي علي وعلى طعموا المر …وعلى الفاضي
    ساعتها انــــــا صرت اولول …نعم ؟؟..عيدي ..اتحملتي شو ………الى هي طالعة بتمص الكريم مص مش تدهنوا على الألتهاب
    بعديها اخذت اجازة اسبوع من الصيدلية ,,,لحتى يرجعلي عقلي ..انجنيت من تحت راسها

    • السلام عليكم
      هاي نهفه حصلت مع زميله الي
      المسكينه كانت ما تولد الا بعمليه ومره الدكتور دخلها وقلها خلينا نصبر بلكي تولدي طبيعي
      ظلت تطلق بدون نتيجه واخيرا قرروا يعملولها عمليه
      اجا عندها طبيب التخدير بدوا يفحصها وهو لسه بجنبها اجتها طلقه قويه راحت شدت ببنطلونه طبعا بتعرفوا بنطلونه هذا اللي بكون خصره مطاط ويروح بنطلونه نازل
      يا ويلي ما اسوأ الموقف راح هرب من الغرفه بسرعه وهي بتقول انخزيت على هالعمله

    • بدي أحكيلكوا هالنهفة صارت مع صاحب الي
      فيه شب صاحب الي راح يعمل عملية بالمستشفى و مكان العملية هو في أعلى الفخذ
      المهم الشب شالوا عنه كل اواعيه و لبسوه مريول بيستره من قدام بس ,,, أما الواجهة الخلفية من فوق لتحت ما فيه شي يستره
      ما علينا
      الشب حطوه على التخت و مشوا فيه على غرفة العمليات ,,, و قبل غرفة العمليات فيه غرفة بيكونوا على السرير لحتى يدخلوه بعد شوي على غرفة العمليات ,,,
      الشب صاحبي زهق من القعدة على التخت و حكى خليني اطلع على أهلي شوي قبل ما يجي دوري
      المهم الشب طلع و مشى بالممر اللي عند غرف العمليات و البنات و النسوان يغطوا على وجوههم و الشباب فارطه من الضحك و هو مش فاهم شي
      الا لما فيه زلمة كبير بيحكيله يا شب استر حالك ,,, انته مش شايف حالك كشف من وراء
      الشب تذكر انه بس من قدام جسمه مغطى و من وراء و لا فيه شي
      ركض على الغرفة لحتى يرجع ينام على السرير بانتظار العملية
      بس الناس اللي هناك تمزعوا من الضحك من المنظر

 

  • انا كوني بشتغل بقطاع التمريض وبقسم العناية المركزة فحدث ولا حرج عن المواقف الي بتصير فينا وفي المرضة وفينا الاثنين
    مرة دخل عنا على العناية المركزة مريض هو طبيب نسائية بالاصل وداخل يعمل شبكة وعملوا اله هالشبكة وكل اموره تمام
    بالليل الزلمة تغيرت حالته ونظر الي نظرة تقول اني قاتل ابوه وينط عن التخت ويشيل كل الكيبلات الي عليه وليش ما يطلع الاخ icu psychosis هاي حالة بتصيب المرضى لما يحس حاله محاط بغرفة والاجهزة حوالية فبتشرت الامور كلها معه , وانا شفته زي هيك و اضل هارب ويسحب ال IV STAND الي بنعلق عليه السوائل الوريدية وبده يعمله زي الرمح وبده يطعنا فيه والشباب وانا مسكنا وما قدرنا نثبته قام طلع ايده من باب الغرفة وهون كانت الفرصة
    سكرنا الباب على ايده, وركبله شب اسمه حسن كانيولا لايده وهي برى الغرفة واحنا مسكرين الباب عليها وهو جوى الغرفة وانا شقحته Mg2 Dormicum وهو يضل مكوعها نومة من هون
    صحي الصبح لقي حاله مربط صار يعيط:oooops: